Plantun de Prouvènço

Pèr coumpara dos planto d'encò nostre

Narcissus assoanus & Veronica anagallis-aquatica

Jounquiho(-de-Requien)

Narcissus assoanus

Amaryllidaceae

Àutri noum : Mau-de-tèsto, Pisso-au-lié.

Noms en français : Narcisse de Requien, Narcisse d'Asso.

Descripcioun :
La jounquiho-de-Requien es uno pichoto jounquiho que trachis dins la garrigo ounte flouris à la debuto dóu printèms. Li fueio sorton tre l'autouno, li flour, pichoto, que sènton proun bon, an un tube de 12 à 18 mm, mai long que li tepalo. Narcissus jonquiha, mai rare, a un tube pu long (20 à 25 mm).

Usanço :
Touto la planto es empouisounanto e majamen la cabosso ounte s'atrobo forço acalouïde di proun dangerous. Soun couneigudo desempièi li mège grè pèr èstre de bon boumitòri e douna uno espetaclouso fouiro. Mefisas-vous n'en.

Port : Erbo
Taio : 10 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Narcissus
Famiho : Amaryllidaceae

Coulour de la flour : Jauno
Petalo : 6
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Garrigo - Tepiero seco
Estànci : Mesoumediterran à Subremediterran
Couroulougi : Pancaro entresigna
Ref. sc. : Narcissus assoanus Dufour, 1830

Mourihoun-d'aigo

Veronica anagallis-aquatica

Plantaginaceae Scrophulariaceae

Àutri noum : Pan-froument, Creissoun-blanc.

Noms en français : Véronique aquatique, Mouron d'eau.

Descripcioun :
Lou mourihoun-d'aigo es uno planto coumuno que trachis dins li ribiero, palun, mueio e peréu li roubino. Au contro dóu creissoun-bouioun que trachis dins li mémi mitan, a li fueio embrassanto. Li flour soun vióuleto e venado. Coumpara emé lou creissoun-bouioun. Coumpara tambèn emé la verounico-faus-mourihoun que ié sèmblo proun, mai qu'a de bousèu pu long que large.

Usanço :
Lou mourihoun-d'aigo se manjo en ensalado cruso o pulèu cuecho se vous mesfissas de l'endèrvo dóu fege.

Port : Erbo
Taio : 10 à 60 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Veronica
Famiho : Plantaginaceae
Famiho classico : Scrophulariaceae

Ordre : Lamiales

Coulour de la flour : Vióuleto
Petalo : 4
Ø (o loungour) flour : 4 à 8 mm
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun
Mai à óutobre

Liò : Aigo - Ribiero - Palun - Mueio
Estànci : Mesoumediterran à Mountagnard
Couroulougi : Subrecousmoupoulito
Ref. sc. : Veronica anagallis-aquatica L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Narcissus assoanus & Veronica anagallis-aquatica

ges

Coumpara Jounquiho(-de-Requien) emé uno autro planto

Coumpara Mourihoun-d'aigo emé uno autro planto